مما كتبت .. جاتلي تقولّي !!
كاتب الموضوع : كرينكل في : 5 أكتوبر 2013 – 12:48 صأضف مشاركة |
مما كتبت .. جاتلي تقولّي !!
آخر ما كتبت أثناء سفري الأخير للقاهرة 24-09-2013 ..
جاتلي “تقولّي” ..
تعرف أنا بحبك ليه !!
قولتلها ليه ..
قالتلي انت كتير حنين .. عشري قوي .. وكمان “مسلّي” ..
كل اللي قابلوني سابوني .. أخدوا اللي عاوزينه ورموني ..
معرفش مين غيرك “فاضلّي” ..
انت الوحيد اللي مصاحبني .. علشان حاببني ..
فضلت جمبي كتير قوي ؛ وحاططني في عيونك “تملّي” ..
لكن الحقيقة أنا مش حاببها !! وكمان هسيبها ..
أنا كنت بس أحكي معاها بصوت دموعي .. ولما ببكي .. بلقيها مني زي “ضلّي” ..
وانتوا اعرفوها .. صدقوني هتحتاجوها ..
الاسم والعنوان بتاعها :
مناديل ورق .. تصنيع “محلي” !
