بدايةً أود توضيح أننى ممن يحبون الشعر جداً

ولكنى هاوى ولست كاتباً ، ولم أدرس الشعر ولكن كتاباتى من منطلق موهبه عاديه والحمد لله

سأبدأ بتدوين كتاباتى الشعريه التى تعد من أهم العوامل التى أدت لوجود هذه المدونه كى أحتفظ بكتاباتى جميعها هنا ولكى أتعرف على اراء الأصدقاء فى كتاباتى وان شاء الله تنال اعجابكم

فى أول تدوينه شعريه سأكتب لكم أول ما خط قلمى من الشعر .. وهى كلمات لشخصيه غير موجوده فى عاملنا حتى الان وهى فتاة احلامى

:: فتاة أحلامى ::

****************

حكتب بس حقول ايه فيكى حوصف شعرك ولا عنيكى
ولا خدودك ولا رموشك ولا حوصف بسمة شفتيكى

أنا عايز أحكيلك وأقوللك وياريت إحساسى يوصللك
ده أنا حتى فى شمسك وفى ضللك بشتاقلك وبحن إليكى

أنا بطمع إنى أكون ليكى ده أنا بفرح كل أما ألاقيكى
نفسى أشوفك وأنا صاحى .. لكن كفايه أنام وأحلم بيكى

ليه دايماً تجينى فى أحلامى ده أنا نفسى أشوفك قدامى
وأشوف صورتك وأسمع صوتك وأحلفلك إنى بدوب فيكى

ليه دايمأ منك ياخدونى وأبعد عنك ويصحَونى
أمنية عمرى تكونى ليا ضاع عمرى وأنا مستنيكى

ما بشوفكيش غير فى الأحلام كده حفضل طول عمرى أنام
ولا حصحى أبدا ً .. وده قدرى !! أعتبرك غنوه … وأغنيكى!!

حكتب بس حقول ايه فيكى حوصف شعرك ولا عنيكى
ولا خدودك ولا رموشك ولا حوصف بسمة شفتيكى

بقلم : -

أحمد عبد الرازق احمد

::*:: عاشق الصداقة ::*::

الحقوق محفوظه عند النقل

Popularity: 9% [?]

No related posts.