12 أغسطس 2012 – 7:40 ص | المشاركات 5

بسم الله الرحمن الرحيم
والصلاة والسلام على أشرف المرسلين وخاتم النبيين ورحمة الله للعالمين سيدنا محمد النبى الأمى الأمين وعلى اله وصحبه ومن سار على نهجه وسلك طريقه الى يوم الدين
أحبتى زوار مدونتى المتواضعه – بعد …

أكمل قراءة الموضوع »
كرينكليات عامه

كرينكليات هادفه

انترنتيات وتقنيه

جديد وأخبار مواقعى

كرينكليات أدبيه

الرئيسية » كرينكليات عامه

ضد سياسة مصر وإغلاق القنوات الإسلامية [ الرحمه – الناس – الحكمه – الحافظ – الخليجيه – وصال – صفا ]

كاتب الموضوع : في : 19 أكتوبر 2010 – 9:27 مالمشاركات 22 |

بسم الله الرحمن الرحيم

السلام عليكم ورحمة الله وبركاته

لحد إمتى هنفضل ساكتين !! – لازم نتكلم

والكلام اللى من غير عمل – ملوش لازمة – لازم يكون لينا تصرف إيجابى

لو شفت عرضك بينتهك – وأختك بتغتصب وإنت قاعد ساكت – هتبقى ديوث والكل هيحقر منك

ولو شفت دينك بينتهك – والاسلام بيحارب فى كل مكان – حتى من حكومة دولتك المفترض إنها مسلمه .. وسكت هتبقى إيه !!


إغلاق القنوات الفضائية الإسلامية - الرحمه والناس والحكمه والخليجيه والحافظ

إغلاق القنوات الفضائية الإسلامية - الرحمه والناس والحكمه والخليجيه والحافظ

من فتره عدت – وبسبب شكوى اليهود الإسرائيليين – تم إنذار قناة الرحمه بالإغلاق

وهى قناة إسلامية تطبق السنه الصحيحه والمنهج الصحيح وتعلمنا تعاليم ديننا وتنصح للأمه الإسلاميه بالحق

ومن كام يوم فوجئنا بإغلاق ثلاث قنوات إسلاميه بدون سابق إنذار ،، وهى قنوات تطبق السنه الصحيحه أيضاً

[قناة الناسقناة الحافظقناة الخليجيه]

ركزوا – لما اليهود هما اللى كانوا سبب إغلاق القناة تم إنذار القناة أولاً ..

لكن لما المنافقين فى بلدنا – هما اللى كانوا سبب فى إغلاق القنوات الإسلاميه – أغلقت حتى بدون إنذار

لأن المنافقين أقبح والعياذ بالله من اليهود .. وياريت الناس تقرأ كلامى للآخر …

من لحظات – فوجئنا كمان بإغلاق قناة الرحمة والحكمه ،، وبرضوا بدون سابق إنذار !!

إيه اللى بيحصل بالظبط ؟؟ – أقوللكم أنا إيه اللى بيحصل …

مصر بالخصوص تشهد فى الثلاث السنوات الأخيره صحوه إسلاميه كبيره جداً بفضل الله

وده لظهور دعاه كرثوا كل اموالهم وأوقاتهم ومجهوداتهم لخدمة دين الله وإصلاح المجتمع وتعليم الناس الدين ورجوعهم للإسلام

ظهروا العلماء دول بالخصوص فى الإسكندريه – وفى المنصوره – وفى القاهره

وإمتدت شعبيتهم لباقى محافظات مصر وللدول العربيه كلها عن طريق الفضائيات اللى على المنهج الصحيح

طيب .. هل ده يرضى دولتنا وحكومتنا الموقره ؟؟

أكيد لأ ،، وبدون تعصب وبكل حق – اللى ميرضيش اليهود ميرضيش حكومتنا ..

حكومتنا والله والله زى ما تكون عاوزه الشعب يكفر ..

لما تتقفل الـ 5 قنوات الفضائيه الإسلاميه اللى على الحق كلها ،، وميتبقاش ولا قناة ممكن الناس تشوفها تتبع الحق

وتتبع سنة نبينا محمد – صلى الله عليه وسلم – زى ما حبيبنا علمنا .. مش زى ما هما عاوزين دلوقتى !

قنوات الدعاره والأفلام كلها شغاله ،، وكمان قنوات التنصير ،، والقنوات الشيعيه اللى بتكفر علناً على شاشاتها أم المؤمنين وحبيبة رسول الله (أمنا عائشه رضى الله عنها) ،، وصحابة رسول الله ،، قنوات بتكفر كل دول وشغاله وزى الفل

ومش بعيد تاخد دعم كمان من حكوماتنا اللى بتحارب الاسلام أكتر ما عدونا من اليهود والغرب بيحاربه

ياريت الناس تفوق – أبوس إيديكم فوقوا

والله العظيم والله العظيم الإسلام ما هيوقف على قناة ولا داعيه إسلامى ولا ألف حتى ..

الإسلام دين الله ،، والله ناصره ولو كره الكافرون

ربنا وعدنا بنصر الإسلام ،، وإنه راجع راجع ،، والرسول وعدنا بنصر الإسلام وإنه راجع راجع

أيوه – والله رسولنا قال على الوضع اللى إحنا فيه دلوقتى ده من ذل وهوان ونفاق من ناس وسطنا عاوزين يودونا فى داهيه

ووعد بإن بعد كل ده الدين هيرجع هيرجع ،، وانا بصدق رسول الله ،، وطبعاً طبعاً بصدق ربنا ..

وعلى يقين من إن الدين راجع ،، ودين الله سينتصر على العلمانيين فى بلدنا قبل اليهود بره بلادنا

المشكله مش فى كل ده ! – المشكله عندنا إحنا !!

اللى حارق قلبى ،، ومخلينى هنفجر – الناس !! – إحنا فين ؟؟؟

الدين راجع راجع – بس المهم إنت هتكون فين ؟؟هتكون من اللى بيحاربوا رجوعه – بقصد او بدون قصد

ولا هتكون من اللى بيشجعوا رجوع الإسلام ورفع رايته وتطبيق الاسلام بشكل صحيح فى بلادنا !

لما الإنتخابات جايه – وعمالين يضحكوا على كل الناس وشجعوا جمال ويحيى ابن الريس ونؤيد جمال …

إيه النفاق اللى فى الناس ده ،، وإيه الغباااااااااااااااااااااء المتفحش اللى فى الناس ده !!!!

فوقوااااااااااااااا – فوقوا ابوس ايديكم ورجليكم

أنا مبقولش اطلعوا اعملوا مظاهرات وكسروا الدنيا – لأن ده مش من الإسلام أصلاً ..

بس الوعى العام فين ؟؟

اللى بيحارب دينك – تأيده ليه ؟؟

شفت إيه من أبوه كويس علشان تشوف منه !!

كل شىء غلى ،، والاسعار كلها نار والشباب كله عاطل والناس حالتها حاله – والفساد مالى البلد من اولها لآخرها

ولسه بنقول جمال !! ولسه بنقول بنحبك يا ريس !!

وإيه دخل جمال والريس فى إغلاق قناة الرحمة والناس والحكمه والحافظ والخليجيه !!

ولا اللى بيكتب ده عميل لمرشح تانى ضد الريس !!

فيه ناس هتقول كده – لأن الناس مش هيهما الموضوع كله وهتفكر فى النقطه دى ..

أنا أقسم بالله لا مع حد تانى ولا تالت ،، أنا شاب مصرى بحب دينى وبحب بلدى

وعاوز حاكم يتقى الله فى شعبه – وعاوز أوعى شباب بلدى

ماله إزاى !! – فى تصريح واضح جداً قالوا إن إغلاق القنوات الثلاث الفضائيه جه بقرار من وزير الإعلام

سايبين قناة ميلودى وقناة الحياه (النصرانيه) وقنوات الأغانى كلها والقنوات الأجنبيه اللى أفلامها كلها دعاره علنيه وقنوات الشيعه وقنوات التنصير ،، ………. كل ده شغال فى بلدنا بدون مشاكل – رغم ان لو فيه دين عند المسئولين مكنش القنوات دى هتبث فى بلادنا ..

ويغلقوا كل القنوات الإسلاميه !!!!

بالله عليك تسمى ده إيه ؟؟؟

اللى عاوز يدافع عنهم – هيقول ايه !! – ده حتى والله النصرانى اللى عاوز يدافع مش هيبقاله عين يتكلم

الاسلام بيحارب فى دولة إسلامية من حكومة الدوله – وعلناً – وقبل الإنتخابات كمان ..

إستنتجتوا حاجه تانيه ؟؟؟؟؟؟

إنهم حتى مش عاملين حساب للرأى العام بتاع الشعب ولا إن الناس هتتقلب ضد الحكومه لمحاربة دين الاسلام ولا …….

عارفين ليه ؟؟؟

لأنهم عن طريق القناة الاولى والتانيه ودريم والحياه و…….. – ربوا شباب الدوله كلهم على نسيان الدين

وحب المسلسلات والافلام – وكل ما ينافى الدين

كمان لأنهم عارفين كويس جداً – إن القنوات دى – لو كانت قنوات (رياضيه) زى قناة الأهلى ولا مودرن سبورت ولا ….

كان اكتر من نص شباب مصر باتوا فى الشوارع إحتجاج على إغلاق قنوات الكوره

لكن القنوات الاسلاميه !! – فى داهيه وهى فارقه معاهم ايه ؟؟

للأسف – ده اللى وصلناله – وده اللى وصله شبابنا – ولا حول ولا قوة الا بالله

وحسبى الله ونعم الوكيل

لما كلب يهاجم الاسلام والقنوات الاسلاميه على القناة الرسمية للبلد ويتورط فى إغلاق القنوات الاسلاميه

وحتوا زملاؤه فى نفس البرنامج رفضوا الحلقه اللى هاجم فيها القنوات الاسلاميه والمشايخ بتوعنا وأئمتنا ..

وهو بكل بجاحه وقف وقال وافترى عليهم كتير وهزأ مشايخنا وعلماؤنا ورموز الدين فى بلدنا وأمتنا الإسلاميه !!!!

مين إتحرك ؟؟ ومين إتكلم ؟؟

محدش !! – لأ فيه ناس إتحركت …

فيه حكومة بلدنا تشجيعا للحيوان ده ولغيره من مهاجمى الاسلام فى بلدنا إتحركت وأغلقت القنوات دى

كانت مستنيه صحفى ولا إعلامى يتكلم وهما هيقوموا بالواجب

فيه إدارة تنصير سات (نايل ست سابقاً) – أغلقت القنوات الاسلاميه كلها بقرار من وزير الاعلام فى مصر

ليه ديننا بيتحارب فى بلدنا ؟؟حرب على النقاب وحرب على القنوات الاسلاميه وحرب على كل ما يمت للإسلام بصله !!

وبنعيب على الغرب لمحاربة الاسلام ؟؟

دينكم بيهان يا مسلمين

الاسلام بيهان ،، وبيقفلوا فى وشكم كل سكه تتعلموا منها دينكم .. إلا السكك اللى بتعلمكم الدين اللى معموله Update

من شيخ الازهر والمفتى وغيرهم من اللى حللوا الموسيقى وربا البنوك والاغانى وغيره وغيره – إرضاء للدوله

هتروحوا من ربنا فين ؟؟ – ما رسول الله صلى الله عليه وسلم قالنا والله عليكم وعلى اللى هتعملوه

لكن انا بكلم كل شاب وكل فتاه وكل أب وكل أم بيحب دين الله

ما تسمعوش كلامهم ،، ومتشجعوهمش على محاربة دين الله ،، وقولوا لأ لإغلاق القنوات الإسلاميه بأعلى صوتكم

متدوش صوتكم لواحد تانى يكفرنا – ويحارب الاسلام بإيدينا

إرجعوا لربنا وخالوا الأزمه دى نصر لدين الله ،، وقاطعوا كل قنوات الافلام والاغانى والمسلسلات ،، وكمان قاطعوا القنوات العلمانيه

كفايه بقى ..

اللى مكانش بيسمع لمشايخنا وعلماؤنا يسمع ويشوف ويحكم بنفسه

لولا ما القنوات دى وصلت لكل الناس والناس حبتها جدا وبدأت ترجع للدين لولا ما حاربوها وقفلوها

القنوات دى هترجع تانى بإذن الله ،، وإن مرجعتش حتى فيه مخلصين فى الأمه والتزام الناس مش هيوقف

راجعوا أنفسكم – وراجعوا ضمايركم – وأخلصوا لدينكم – وإلتزموا بالإسلام الصح – وإسمعوا لعلماؤنا

وجزاكم الله كل الخير

كلمة أخيره للعالمانيين والمنافقين وأنصار حكومة التكفير وأنصار الحرب على الإسلام والقنوات الإسلاميه ..

والله العظيم ما هتفلحوا فى أى حاجه من اللى بتعملوها !

أنا بقول بكل ثقه وبحلف – لأنكم مش بتحاربوا فكر ولا حزب .. إنتوا بتحاربوا دين ربنا – اللى هو وعد بحمايته

حاربتوا النقاب – إنتشر أكتر من الأول أضعاف أضعاف

بتسخروا كل طاقاتكم وإعلامكم لحقدكم الكبير على إنتشار القنوات الاسلاميه وبيان قبح قنواتكم ودعارتها للجميع

قفلتوا قناة الرحمة قبل كده – وكان ده سبب فى إن ناس كتير مش بتتفرج على القناة شافتها وحبتها ورجعت لدينها وعرفت حقيقتكم وعرفت حكم الإسلام بكلام رسول الله صلى الله عليه وسلم فى كل اللى بيحصل حوالينا

وده بين قبح المشايخ اللى إنتوا مصدرينم للشعب وبيفتوا بما يرضى الدوله لا بما يرضى الله – بدون قصد كمان

حاربتوا الإلتزام – إنتشر أكتر

كفايه غباااااااااااااااااااااااء – بتحاربوا مين ؟؟ – بتحاربوا ربنا !! – طيب ورونى هتوصلوا لفين واخرتكم إيه ،، والنصر لمين ؟

قال تعالى :

بسم الله الرحمن الرحيم

إِنَّ الَّذِيْنَ كَفَرُوا يُنْفِقُونَ أَمْوَالَهُم لِيَصُدُّوا عَنْ سَبِيْلِ اللهِ فَسَيُنْفِقُونَهَا ثُمَّ تَكُوْنُ عَلَيْهِمْ حَسْرَةً ثُمَّ يُغْلَبُونَ وَالَّذِيْنَ كَفَرُوا إِلَى جَهَنَّمَ يَحْشَرُونَ* لِيَمِيْزَ اللهُ الْخَبِيْثَ مِنَ الطَّيِّبِ وَيَجْعَلَ الْخَبِيْثَ بَعْضَهُ عُلَى بَعْضٍ فَيَرْكُمَهُ جَمِيْعًا فَيَجْعَلَهُ فِيْ جَهَنَّمَ أُوْلَئِكَ هُمُ الْخَاسِرُونَ” (الأنفال: 36-37)

وقال تعالى :

بسم الله الرحمن الرحيم

(يريدون ليطفئوا نور الله بأفواههم والله متم نوره ولو كره الكافرون)

فموتوا بغيظكم – وسيظل فى الامة من يقف لكم ولن تستطيعون أن تخرسوا الجميع مهما فعلتم

وحسبنا الله ونعم الوكيل

المشاركات 22 في » ضد سياسة مصر وإغلاق القنوات الإسلامية [ الرحمه – الناس – الحكمه – الحافظ – الخليجيه – وصال – صفا ]

     
  • يقول غرٍيب:

    الله ينصركم يا أهل الدين ويجعل كلمتكم هيا العليا ، ،،،

    مو بس عندكم في كل مكان أعوذ بالله والأشد والأمر من ذلك إنها في دول إسلامية هذا اللي يزيد الغيظ وصعب الواحد يتحمل .. بإذن الله نشوف فيهم يوم قريب سواءا من حكام أو شعوب أو أفراااااد …

    حسبنا الله ونعم الوكيل ، إن لله وإنا إليه راجعون

  • يقول عبدالرحمن:

    السلام عليكم ورحمة الله وبركاته..

    اغلاق القنوات الاسلامية جاء متناسقاً مع بعض الاحداث.

    اولاً: لان العلماء تكلموا عن ما فعله الانبا بشوى وحادثة الاخت كامليا شحاته. ويوريدون اخماد هذه القصة..

    ثانياً: جاءت مع الانتخابات لكى لا يتكلمون العلماء عنها.

    ثالثاً: جاءت مع احداث السودان والاستفتاء بخصوص تقسيم السودان.. وانا مصر من اوائل الدول التى داعمت التقسيم وعملت جسر جوى بين القاهرة وجانوب السودان دعماً للدولة الجديدة..

    يريدون اسكات علماء المسلمين فى تلك الاوقات الحرجة والتى لن تمر بسهولة علينا, بل ستغير فى اوضاع مصر ونظامها..

    لابد ان يفيق المسلمون..

  • يقول الساهر:

    حسبنا الله ونعم الوكيل
    لن أقول أفضل ماا قلت أخي الكريم
    ولكن يظل دائماً تعلقنا وإيماننا بوعد الله -سبحانه وتعالى- ووعد سيدنا ورسولنا محمد -صلى الله عليه وسلم- أن النصر قادم
    ويبقى السؤال “أين سنكون حينها؟”
    ويتبادر سؤال مهم جدا إلى الأذهان: “وهل لنا دور فيما وصل إليه حال الأمة؟”

    والجواب عند الصادق المصدوق -صلى الله عليه وسلم- إذ قال رسول الله صلى الله عليه وسلم: “يوشك الامم ان تداعى عليكم كما تداعى الاكلة الى قصعتها” فقال قائل: ومن قلة نحن يومئذ؟ قال: “بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن” فقال قائل: يارسول الله، وما الوهن؟ قال: “حب الدنيا وكراهية الموت”.

    اللهم لا تجعل الدنيا أكبر همنا، ولا مبلغ علمنا، ولا تجعل مصيبتنا فى ديننا، ولا إلى النار مصيرنا، واجعل الجنة هي دارنا، ولا تسلط علينا بذنوبنا من لا يخافك فينا ولا يرحمنا، برحمتك يا أرحم الراحمين!
    اللهم اجعلنا ممن يسمعون القول فيتبعون أحسنه، ولا تجعلنا ممن يأمرون الناس بالبر وينسون أنفسهم، وإنا لله وإن إليه راجعون

  • تسلم ايدك يا احمد لقد كفيت ووفيت وعبرت عن كل ما يخالجني من ضيق وحرقة وغيض
    بسبب ما يقومون به وأهمها غلق القنوات التي اصبحت بالنسبة لنا النور الذي بفضله نسلك طريق النجاةو طريق الهداية الله المستعان وحسبنا الله ونعم الوكيل
    وكما سبق وذكرت يريدون ليطفئوا نور الله بأفواههم والله متم نوره ولو كره الكافرون)فصبر جميل والله المستعان

  • يقول محمود:

    شكراً كرينكل على الموضوع والله دمى محروق من امبارح ومش عارف اعمل ايه
    حسبنا الله ونعمه الوكيل
    عموماً ربنا معانا ان شاء الله

  • جزاك الله خيرا أخي الكريم الفاضل ,الذي أسأل الله عز وجل أن يكثر من أمثالك يارب فأنت أخي الكريم مثال مشرف للمسلمين ….

    ووالله لقد تأثرت وبكيت من هذه الكلمات التي حركت في الضمير الذي لن ولم يموووت ……

    حسبنا الله ونعم الوكيل ….فماذا بعد الحق إلا الضلال …

    ربنا يكرمك ويحفظك ويحفظ والديك الافاضل وربنا يرفع قدركم وييسر أمركم …

    ويارب ترجع القنوات لينا بالسلامة يارب يارب

  • الله عليك الله يحميك انا معاك فى كل الى بتقولو وموفيق على كل كلمه انتا قلتها كانك بتقراء انا عايز اقول ايه انشاء الله مصر هتفوق من الى هيا فى ده وربنا نصرنا ومعاناالهم انصر الامه الاسلاميه وانصر الاسلام واعز الملسمين هليك الكفراه واليهود والمنفقين امين يارب العلمين

  • يقول ام احمد:

    رجاء من الأخوة والأخوات المتابعين لقناة الرحمة المباركة عبر الموقع الإلكتروني نشر البث المباشر للقناة وهو :

    http://alrahma.tv/Pages/Online/Details.aspx?ID=5

  • يقول amat allah:

    انا شخصيّا صدمت بسماع اغلاق قناة الناس لأني من اشدّ المتابعين لها،اللهم انصر دينك وأوليائك؛

  • يقول لطفى:

    حسبى الله ونعم الوكيل نعم المولى ونعم النصير

  • يقول رؤى:

    حسبنا الله ونعم الوكيل على كل من ساهم بقفل القنوات الدينيةلانها هيا الضوء والامل للناس الذى ينير لهم الطريق بعد طول نوم وان شاء الله يرد كيد هم الى نحورهم

  • حسبى الله ونعم الوكيل وانا واثق انها محنة سيكون بعدها منحة ان شاء الله

  • يوشك أن تداعى عليكم الأمم كما تداعى الأكلة إلى قصعتها”. قالوا: أو من قلة نحن يومئذ يا رسول الله؟! قال:”لا-كلا- ولكنكم يومئذ كثير ولكن غثاء كغثاء السيل”.

    انظر إلى هذا الزبد الذى يقذف به السيل لا وزن له ولا قيمة يأرجحه لتيار حيثما شاء وأراد” و…لكنكم غثاء كغثاء السيل، وليوشكن الله أن ينزع المهابة من قلوب عدوكم وبقذف فى قلوبكم الوهن” قيل: وما الوهن يا رسول الله؟ قال:” حب الدنيا وكراهية الموت”
    نصارى وعلمانين وشيعه وها هم اليهود
    وهنا يأتى الجواب: لأن الكفر ملة واحدة تلك حقيقة قرآنية نبوية.

    قال تعالى: وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا نَصِيرٍ [البقرة: 120].

    قال تعالى: وَدَّ كَثِيرٌ مِنْ أَهْلِ الْكِتَابِ لَوْ يَرُدُّونَكُمْ مِنْ بَعْدِ إِيمَانِكُمْ كُفَّارًا حَسَدًا مِنْ عِنْدِ أَنْفُسِهِمْ مِنْ بَعْدِ مَا تَبَيَّنَ لَهُمُ الْحَقُّ فَاعْفُوا وَاصْفَحُوا حَتَّى يَأْتِيَ اللَّهُ بِأَمْرِهِ إِنَّ اللَّهَ عَلَى كُلِّ شَيْءٍ قَدِيرٌ [البقرة: 109

    أسباب غلق القنوات الدينية لهذا السبب اغلقت قناة الناس إسرائيل تخاف من القنوات الاسلامية مثل قناة الناس والمجد وغيرها تقرير إسرائيلي قالت دراسة أعدتها جامعة تل أبيب ونشرت صحيفة «لوبون» الفرنسية مقتطفات منها إن هناك نموًا دينيًا وتربويًا للشباب المصري أصبح ظاهرا للعيان… خلال الفترة الأخيرة، ما اعتبرته يشكل «خطرًا كبيرًا» على إسرائيل. وذكرت أن الشباب في الفترة العمرية ما بين 16 إلى 25 عامًا يكونون في مرحلة تكوين عقلي وتتسم عقولهم بالانفتاح ويتأثرون بالعاطفة، ومن هنا رأت الدراسة خطورة تأثرهم بالفضائيات الدينية التي استطاعت التأثير عليهم بشكل كبير. وأوضحت أن تلك الفضائيات لعبت دورًا مؤثرًا في نفوس الشباب بدعوتها إياهم إلى التحلي بمكارم الأخلاق والعبادة والتقرب إلى دينهم وتصفح القرآن وتناول الآيات التي تتحدث عن اليهود وحياتهم وطبائعهم، وهو ما يعني زيادة العداء لإسرائيل الذي ربما يصل إلى حد العنف، وفق الدراسة. ولفتت الدراسة إلى أن هناك عددًا من القنوات الإسلامية التي استطاعت جذب الشباب إليها وأهمها «الناس» و»المجد» وقنوات اخرى ، بالإضافة إلى اسطوانات دينية تباع بأسعار زهيدة ويتبادلها الشباب. وقالت إن الشباب أقبل على هذه القنوات، لأن وعاظها تقربوا للشباب بعقولهم وتحدثوا لغتهم وارتدوا زيا معاصرا بعيدا عن الزي الإسلامي التقليدي، كما أصبحت لغة الخطاب الديني في تناول القضايا بها الكثير من المرونة. وأوضحت الدراسة أن أكثر من 85% من الفتيات المصريات أصبحن يرتدين غطاء الرأس، و60% من الشباب يحمل في أمتعته القرآن وتتسم تصرفاتهم بقدر كبير من العقلانية والتروي بخلاف ما كان عليه الشباب قبل عشر سنوات حيث كان يظهر عليه التوحش الجنسي والإقدام على الخطايا وحب الذنوب. وأوصت الدراسة، الشباب الإسرائيلي المستخدم لشبكة الإنترنت بأن يؤدي واجبه ويعمل ما يقدر عليه لإلهاء الشباب المسلم عن الدين الاسلامي

  • لا تحسبوه شرا”لكم انها سنة الله فى الارض سنة التدافع
    وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَكِنَّ اللّهَ ذُو فَضْلٍ عَلَى الْعَالَمِينَ
    اللهم كما أغلقوا فى بيوتنا قناة الرحمة
    أغلق فى وجوههم عاجلا وأجلا أب…واب الرحمة
    اللهم كما أغلقوا فى بيوتنا قناة الحكمة
    اللهم احرمهم الحكمة
    اللهم كما أغلقوا فى بيوتنا قناة الناس
    …اللهم اجعلهم عبرة لكل الناس
    اللهم كما أغلقوا فى بيوتنا قناة صفا
    اللهم احرم بالهم من الصفا
    اللهم كما أغلقوا فى بيوتنا قناة وصال
    اللهم شل منهم الأركان وقطع الأوصال
    اللهم كما أغلقوا فى بيوتنا أبواب الخير
    اللهم احرمهم الخير كل الخير
    اللهم انصر من نصر الدين
    واخذل من خذل الدين

  • يقول abobakr:

    حسبناالله حسبنان الله والله احنا فى ميتم وعزاء الوحيد هو الايمان بان النصر بيد الله وللازم نفوق يامسلمين

  • يقول abobakr:

    نداء الى كل العلماء الاجلاء لاتخافوا ولاتحذنوا فانتم على حق وحق الله علينا انا نجاهد معكم بدمائنا والله ان النصر لقادم امانى محمد منقبةنصرة الى السيدة عائشةرضى الله عنها

  • يقول بنت مصرية:

    حسبي الله ونعم الوكيل وعندك حق ياعاشق الصداقة مش هينفغع الكلام
    وحتي المظاهرات مش رد فعل حقيقي
    احنا نقاطع القنوات دي ومانتتخبش المانفقين دول نقاطع الانتخابات كلها اصلا
    واهم حاجة نلتزم بالدين ماهو احنا لو ملتزميبن وساعدنا علي انتشار الاسلام كما يجب ان يكون كل واحد ومقامه ربنا هينصرنا
    وازاي ننصر واحنا مش بننصر دينا

    يارب اجعلنا عندنا ياتي نصرك ممن يحاربون ويحاربوا من اجل نصرة ورفعة هذا الدين

  • يقول احمد مصري:

    حسبي الله ونعم الوكيل
    حسبي الله ونعم الوكيل في كفار مصر ومنافقيها أعلنوا كفرهم بواحا أمام الناس وذلك من أجل عيون اليهود وأمريكا
    لأجل فلوس اليهود وفلوس الأمريكان باعوا الدين بأرخص الأثمان
    ألا لعنة الله علي يهود مصر المتاسلمين .. الا لعنة الله علي الراعي الذي لم يراعي دين الله في بلد الأزهر
    دعاء ( بالله عليكم أمنوا )
    يا ودود يا ودود يا ودود يا ذا العرش المجيد يا فعالا لما يريد .. أسألك بعزك الذي لا يرام وملكك الذي لا يضام ونورك الذي يملأ أركان عرشك أن تنصر المسلمين في كل مكان نصرا يليق بجلال وجهك وعظيم سلطانك وأن تسخر للإسلام والمسلمين جندا من جنودك يثبتوهم علي الإيمان ويدفعوا عنهم الأذي والسوء وأكف المسلمين والاسلام الأعداء بما شئت وكيف شئت وزلزل الأرض من تحت اقدام اليهود ومن عاونهم والأمريكان ومن شايعهم وأنصر محبي دينك وتولي امرهم انك انت نعم المولي ونعم النصري .. لا إله إلا أنت يا مغيث أغينا يا مغيث أغثنا يا مغيث أغثنا

  • يقول نانا:

    والله العظيم معاكم حق بس احنا مش عار فين هما عاوزين يوصلونا لفين منهم لله الى يمشى بالسنه يخلو ه متطرف ويشككوه فى نفسه ودينه ولى تنتقب يعملولها نصيبه ايه العمل لحكومتنا منهم لله

  • يقول نانا:

    انا نفسى انتقب وخايفه حد يشيلنى نصيبه واو حد يتهمنى باى شى من للى بنسمع عنه وبنشوفو شوفتو حكومتنا وصلتنا لاايه

  • يقول ابنالدلتا:

    بسم الله الرحمن الرحيم

    (يريدون ليطفئوا نور الله بأفواههم والله متم نوره ولو كره الكافرون)

    صدقت والله في كل ما قلته واصحاب السلطة في بلادنا غرتهم مناصبهم وكراسيهم ونسوا او تناسوا انهم آجلا او عاجلا سيلقون وجه الله وانا والله اتعجب كيف سيلقونه وماذا سيقولون له عما فعلوه بالبلاد والعباد ولكن الله سبحانه وتعالى ( يمد لهم في طغيانهم يعمهون) .

    للاسف لم يعد ينفع معهم اي قول لان الله ختم على قلوبهم.

    وحسبنا الله ونعم الوكيل
    وحسبنا الله ونعم الوكيل
    وحسبنا الله ونعم الوكيل

  • كلامك صحيح ولكن خذ هذه الكلمات في عقلك اخي الفاضل ان الاسلام محارب من كل جهة من اليهود و النصارى والشيعة وكل الديانات ولكن الله ذكر في القران الكريم ” يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ ” (8) صدق الله العظيم

    لذلك اخي لاتحزن ان الله مع الصابرين

شارك بتعليقاتكـ الأن !

أضف مشاركه الأن , أو مشاركات خارجية من الموقع الخاص بك. يمكنك أيضاً الأشتراك في هذه التعليقات.